Wohi Qissay Hein Wohi Baat Purani Apni

Wohi Qissay Hein Wohi Baat Purani Apni,

Kon Sunta Hai Bhala Raam Kahni Apni,

Har Sitamgar Ko Ye Humdard Samajh Leti Hai

Kitni Khush Feham Hai Kambakht Jawani Apni

Roz Miltay Hein Darechay Mein Naye Phool Mujhay,

Chor Jata Hai Koi Roz Nishani Apni,

Tum Se Bichray Hein To Paya Hai Byabaan Ka Sakoot,

Warna Daryaon Se Milti Thi Rawani Apni,

Aaj Phir CHAAND Uffak Per Nahi Ubhra

Aaj Phir Raat Na Guzray Gi Suhani Apni.

Posted in: Poetry